Mazkur maqolada Nurota tumanida maktabdan tashqari taʼlim tizimidagi oʻzgarishlar sport sohasi misolida tahlil qilinadi. Tuman sport inshootlarining zamonaviylashtirilishi, yangi toʻgaraklar tashkil etilishi va yoshlarni sportga jalb qilish borasidagi chora-tadbirlar muhim natijalar bergan. Tadqiqotda sport inshootlari infratuzilmasi, sport turlari, murabbiylarning malakasi va sportchilarning erishgan yutuqlari tahlil qilinadi. Tumandagi 15 ta sport inshooti, jumladan sport zallari, suzish havzalari va futbol maydonlari yoshlarning sogʻlom turmush tarzini shakllantirishga xizmat qilmoqda. Maktab tomonidan taklif etilayotgan 21 ta sport turi yoshlarni rivojlantirishda muhim rol oʻynaydi. Murabbiylar tomonidan 54 nafar sportchi tayyorlanib, ular viloyat, respublika va xalqaro miqyosdagi musobaqalarda yuqori natijalar koʻrsatmoqda. 2024 yilda yoshlar 371 ta medalni qoʻlga kiritgan boʻlib, bu murabbiylar mehnati va infratuzilmaning samaradorligini namoyish etadi. Mazkur maqola yoshlarning sport orqali jismoniy va maʼnaviy rivojlanishini yoritib beradi. Tizimning yutuqlari nafaqat tumanda, balki respublika boʻylab maktabdan tashqari taʼlimni rivojlantirish uchun muhim tajriba sifatida baholanadi. Kelgusida yangi inshootlar qurilishi va sportchilarni xalqaro musobaqalarga tayyorlash boʻyicha chora- tadbirlar amalga oshirilishi rejalashtirilgan. Nurota tajribasi yosh avlodni sogʻlom va maqsadli qilib tarbiyalashda katta ahamiyatga ega.