Jahon amaliyotida qo‘llaniladigan qishloq xo‘jalik mahsulotlarini quritish tizimlarida energiya sarfi yuqori bo‘lib, quritilgan tayyor mahsulotni tayyorlash uchun solishtirma energiya sarfi 2,7÷7,4 kVt∙soat/kg ni tashkil qiladi. Yer yuzida energiya tanqisligini oldini olish uchun qayta tiklanadigan energiya manbalarini rivojlantirish lozim bo‘ladi. O‘tkazilgan sinov tajriba natijalari shuni ko‘rsatadiki, shkaf ko‘rinishidagi gelioquritgichlarda mevalar va o‘simliklar har xil changdan, ifloslanishdan saqlanadi. Quritish uchun qo‘yilgan mevalarni dorivor o‘simliklarni turiga qarab, har xil usullar orqali, shkafni ichidagi haroratni o’zgartirish usullari mavjud. Ichkaridagi harorat +65…..+75o C dan oshsa haroratni barqarorlashtirish (pasaytirish) usullaridan yana bir muhim vosita sifatida kollektor va shkaf ichidagi haroratni aerodinamik vositalar yordamida pasaytirish mumkin. Shuningdek shkaf ichidagi issiqlik energiyasini saqlash maqsadida kollektorni izolyatsiyalab, kechki vaqtda usti yopiladi.