Alisher Navoiy ijodida xat motivi nafaqat muloqot vositasi, balki qahramonlarning ichki kechinmalari va taqdir sinovlarini aks ettiruvchi badiiy detal sifatida gavdalanadi. “Farhod va Shirin” dostonida xatlar sevgi, umid va iztirob timsoliga aylanib, syujet rivojida muhim rol o‘ynaydi. Farhod va Shirin maktublar orqali bir-birlariga nafaqat so‘z, balki yurak nidosini ham yetkazadilar. Xatlar voqealar rivojiga ta’sir ko‘rsatib, qahramonlarning ruhiy holatiniochib berishga xizmat qiladi. Navoiy xatni shunchaki yozishma emas, balki sevgi va taqdir sinovlarining poetik ifodasi sifatida tasvirlaydi. Mazkur maqolada doston syujetida xat motivining o‘rni va uning badiiy talqini tahlil qilinadi.