Markaziy Osiyoda Metrik o‘lchashlar tizimiga o‘tishdan oldin botmon, misqol, man kabi massa va gaz, tanob, farsang kabi uzunlik o‘lchash birliklari va boshqalar ishlatilgan. Shuningdek, hajm, maydon va boshqa kattaliklarni o‘lchash birliklari mavjud bo‘lgan. Biroq, aslida, bu o‘lchash birliklari davlat va joylashgan mintaqasiga qarab bir-biridan farq qilgan. Hududlarda turli xil o‘lchash vositalaridan foydalanilgan va o‘lchashlarda bir xillik bo‘lmagan, bu esa moliyaviy va savdo munosabatlarida chalkashliklarga olib kelgan.