Mazkur maqolada raqamli transformatsiya sharoitida intellektual faoliyat bilan shug‘ullanish inson organizmida psixologik zo‘riqishlarni keltirib chiqarib, gipodinamiya hamda ruhiy zo‘riqish kabi stress va depressiyaga mubtalo bo‘lish xavfini oshirishi ta’kidlangan. Bunday holatlarning oldini olish, shuningdek, estetik tafakkurni rivojlantirishda sport musobaqalarining ahamiyati katta ekanligi alohida qayd etilgan. Sport musobaqalarida ishtirok etayotgan tomoshabinlarning estetik va axloqiy jihatdan rivojlanishi, zavq-shavq olishi, hayotdan rohatlanishi va turmush sifatini yaxshilashi muhim omil sifatida ko‘rsatib o‘tilgan. Bundan tashqari, sport tadbirlari ijtimoiy aloqalarni mustahkamlash hamda sog‘lom hayot tarzini targ‘ib qilishda katta ahamiyat kasb etadi.