Ushbu maqolada akmeologik yondashuv asosida migrant talabalarda shaxsiy qadriyatlarning shakllanishi pedagogik nuqtayi nazardan tahlil qilinadi. Migrant talabalar yangi madaniy muhitga moslashish jarayonida o‘z-o‘zini anglash, madaniy integratsiya va psixologik adaptatsiyani boshdan kechirib, shaxsiy qadriyatlarini rivojlantirish zaruriyatini his etadilar. Tadqiqotda akmeologik tamoyillar qo‘llanilib, ularning intellektual va axloqiy kompetensiyalariga ta’sir etuvchi omillar o‘rganiladi hamda pedagogik innovatsiyalar va interfaol metodlar orqali ijtimoiylashuv jarayoni yoritiladi. Tarbiyaviy qo‘llab-quvvatlash, axloqiy yo‘naltirish, individualizatsiya printsipi va psixologik yordam o‘quv motivatsiyasini mustahkamlashga xizmat qiladi. Tadqiqot natijalari migrant talabalar bilan ishlash samaradorligini oshirish uchun ilmiy asoslangan tavsiyalarni taqdim etadi. Akmeologik yondashuv, zamonaviy texnologiyalar va psixo-pedagogik yordam migrant talabalarning ma’naviy va ijtimoiy rivojlanishida muhim ahamiyat kasb etadi.