Mazkur maqolada sun'iy intellekt (SI) texnologiyalarining A0-A2 darajalarida xorijiy tillarni o‘rganish jarayoniga ta'siri ko‘rib chiqiladi. O‘zbekiston davlat jahon tillari universiteti sharq va ingliz filologiyasi fakultetlarining 100 nafar talabasi o‘rtasida o‘tkazilgan so‘rov natijalari Duolingo, ChatGPT, Google Translate, Replika, Mondly va Deep Seek kabi SI vositalaridan foydalanishga yuqori qiziqish borligini ko‘rsatdi. Yangiligi: A0-A2 darajalariga e'tibor qaratish va ChatGPT, Duolingo, Google Translate, Mondly, Deep Seek, Replika kabi turli sun'iy intellekt vositalarining ta'sirini kompleks tahlil qilish, bu esa leksika va grammatika rivojlanishidagi samaradorlikni aniqlash imkonini beradi. Tadqiqot nafaqat talabalar tajribasini qayd etadi, balki sun'iy intellektni xorijiy tillarni o‘qitish metodikasiga joriy etish bo‘yicha amaliy qadamlarni ham taklif qiladi. Qisqa xulosa: So‘rov natijalari talabalar tomonidan xorijiy tillarni, ayniqsa leksika va grammatika bo‘yicha, sun'iy intellekt yordamida o‘rganishga yuqori qiziqish mavjudligini ko‘rsatdi.