Сўнгги йилларда республикамизнинг йирик банклари капиталлашув даражасини ошириш борасида ишлаб чиқилган мақсадли чора-тадбирлар натижасида банклар томонидан хўжалик юритувчи субъектларни узоқ муддатли кредитлаш имконияти юзага келди. Шу билан бирга, республика тижорат банклари фаолиятида муаммоли кредитларнинг мавжудлиги, улар кредит ва инвестиция портфелларида диверсификация даражаси пастлиги рисклар лозим даражада бошқаришда муаммолар мавжудлигини кўрсатмоқда. Ушбу ҳолат Ўзбекистон тижорат банклари актив операциялари билан боғлиқ рискларни бошқариш усулларини такомиллаштириш йулларини излаш заруриятини келтириб чиқаради.