Ushbu maqolada bugungi kunda dolzarbligi kundan kunga oshib borayotgan virtual makon, uning paydo bo‘lishi, taraqqiyot etish asoslari va ijtimoiy tarmoqlar bilan o‘zaro bog‘liq jihatlari atroflicha o‘rganib chiqilgan. Virtual makondagi huquqiy tartibga solish tartib asoslari, uning huquqiy belgilari hamda huquqiy tabiati, virtual makon haqida olimlarning fikr-mulohazalari asosida ilmiy tahlil qilingan. Virtual makondagi turli munosabatlar, raqamli olamidagi yangi obyektlar, ular bilan bog‘liq munosabatlar, ularning tushunchasi, mazmun mohiyati hamda ahamiyati, virtual makondagi ijtimoiy munosabatlarning yangi obektlari hisoblanmish raqamli identifikatsiyaga alohida urg‘u berilgan. Raqamli identifikatsiyaning virtual dunyo, umuman virtual makon bilan bog‘liq jihatlari, bu borada olimlarning keltirgan fikr va ilmiy qarashlari, tavsiyalari maqolada o‘z aksini topgan. Shuningdek, raqamli identifikatsiyaning virtual makon bilan bog‘liq jihatlari va ulardan qonuniy foydalanish chegaralari va usullari ilmiy tahlil qilingan. Bu borada olimlar tomonidan o‘tkazilgan statistik materiallar ham keltirib oʻtilgan.Virtual makonda nomoddiy ne’matlarning himoya qilinishi, tartibi va turlari, usullari yoritib berilgan. Shu bilan bir qatorda, raqamli identifikatsiyaning intellektual faoliyat natijasi ekanligi, intellektual mulk obyekti hisoblanishi, ularning asosi sifatida yetuk olimlar tomonidan berilgan ilmiy taʼriflari tahlil qilib oʻtilgan. Bundan tashqari, raqamli identifikatsiyaning intellektual mulk obyekti hisoblanishi xalqarova milliy normalar asosida oʻrganib chiqilgan. Virtual makonda raqamli identifikatsiyaning intellektual mulk obyekti sifatida bevosita tartibga solishga qaratilgan mexanizmni yaratish hamda bu borada raqamli huquqning yanada rivojlantirish kerakliligi haqida fikrlar ilgari surilgan.