Ushbu maqolada Bobur asarlarida qo‘llangan sinonimlar yuzasidan lingvistik tahlillar olib boriladi. Qayd etish lozimki ijodkor asarlarida, xususan, g‘azal, ruboiy va, ayniqsa, “Boburnoma” asarida sinonimlarning o‘ziga xos shakllari o‘rin olgan. Bu esa Bobur ijod qilgan o‘zbek tilidagi mavjud ma’nodosh so‘zlarni qo‘llash imkoniyati bilan baholanadi. Bobur tomonidan qo‘llangan sinonimik shakllari bevosita aynan turkiy leksemalardan tashkil topganligi yoki boshqa tillar –arab, fors kabi –bilan sinonimik qator hosil qilganligi ijodkor tomonidan so‘z tanlashdagi o‘ziga xos mahoratdan dalolatdir