Мақола замонавий радиоэшиттириш назарияси ва амалиётида кенг тарқалган ҳамда маҳаллий ва хорижий радиожурналистиканинг муҳим типологик белги деб ҳисобланган "формат" тушунчасига бағишлан. Унда муаллиф тадқиқотчиларнинг "формат" тушунчага оид таърифларини ўрганиб чиқиб, замонавий нодавлат радиостанцияларнинг амалиётига асосланган ҳолда ўзига хос талқинини таклиф қилади. Мазкур мақолада Ўзбекистон Республикасида фаолият кўрсатаётган нодавлат радиостанцияларнинг форматлари, уларнинг пайдо бўлиши ва ривожланиши масалалари, тизимли белгилари, типологияси, тузилиш хусусиятлари таҳлил қилинган ҳамда маҳаллий нодавлат радиоларнинг мавжуд форматларига таъриф берилган. Муаллиф Ўзбекистондаги радио форматларнинг шаклланиш эволюциясини ўрганиш жараёнида республика радиостанцияларни форматлашнинг ўзига хос хусусиятларини очиб беради, бу жараёнга Европа ва Россия тажрибасининг таъсирини қайд этади ва республика радиоканалларининг ушбу йўналишдаги асосий босқичларини белгилайди. Кучаётган рақобат шароитида "тингловчи учун кураш" ҳамда радио узатувчиларнинг "тижорий манфаатлари" туфайли юзага келган радио форматларининг тез-тез ўзгариб туриши ва кўп ҳолларда ноаниқ бўлиб қолиши муаммоси кўплаб замонавий нодавлат радиостанциялар фаолиятидаги муҳим тенденциялардан бири эканлиги ва натижада радиостанциялар тингловчиларини йўқотиши, уларнинг рейтинги кескин тушиб қолиши намойиш этилмоқда. Мақолада у ёки бу радиостанцияни бошқалар қаторида ажратиб кўрсатишга хизмат қилувчи форматлаш хусусиятлари тавсифланмоқда, республика радио тузилмалари томонидан унинг форматини сақлаб қолишига ёрдам берувчи омиллар таҳлил қилинмоқда, мамлакатда замонавий радиоэшиттириш форматларининг тараққиёт тенденциялари ўрганилмоқда. Замонавий радио бозорининг ривожланиш тенденцияси сифатида қайта форматлаш масаласига алоҳида эътибор берилмоқда, "формат ўзгариши" сабаблари ва унинг оқибатлари тадқиқ қилинмоқда.