Maqolaning maqsadi – aqlli energiya va aqlli shaharlar konsepsiyasi doirasida aqlli yoritishni joriy etish va tahlil qilishdan iborat. Dunyo bo‘ylab elektr energiyasi iste’moli asosan qayta tiklanmaydigan energiya manbalariga asoslangan. To‘liq o‘zgarishlar amalga oshguncha, energiyani tejash va samarali foydalanish imkoniyatlarini izlash zarur. Hozirgi kunda shaharlar tobora aqlli konsepsiyani joriy qilmoqda, bunda aqlli energiya muhim yo‘nalishlardan biri hisoblanadi. Shaharlar tomonidan amalga oshirilayotgan aqlli shahar elementlaridan biri aqlli energiya hisoblanadi. Ushbu doirada qo‘llab-quvvatlanayotgan konsepsiyalardan biri – an’anaviy yoritishni LED (Light-Emitting Diodes) lampalar bilan almashtirishdir. Bu esa energiya va xarajatlarni tejashga, sun’iy yorug‘lik orqali osmonning ifloslanishini kamaytirishga hamda shahar yoritish tizimining samaradorligini oshirishga yordam beradi. Zamonaviy yechimlarning ijobiy ta’siri qatoriga yoritish xarajatlarining kamayishi va aholi xavfsizligining oshishi kiradi. Tadqiqot usullari va natijalari: Tadqiqotimiz uchun case study (amaliy misollarni o‘rganish) usulini tanladik. Bunda faqat chiroqlarning soni nuqtayi nazaridan emas, balki xarajatlarning samaradorligi jihatidan ham rivojlanish bashoratlarini taqdim etilinadi va aqlli shaharlarni qurishda ushbu elementning ahamiyati ta’kidlanadi. Keltirilgan misollar va tahlillar iqtisodiy ahamiyatga ega bo‘lib, aqlli shahar konsepsiyasini to‘g‘ri yo‘naltirishga yordam beradi. Bu esa xarajatlarni tejash bilan birga, shahar aholisi hayot sifatini oshirish imkonini beradi.