Bugungi kunda maktabgacha ta’lim sohasida juda katta islohotlar, o‘quv-tarbiyaviy jarayonda turlicha yondashuvlar olib borilsa-da, bolalarning maktab ta’limiga moslashishi, tengdoshlari va atrofdagilar bilan samarali muloqotga kirishishi qiyin kechayotganligi, maktabgacha yoshdagi bolalarni kompleks rivojlantirish orqali ularni maktab ta’limiga intensiv tayyorlash masalasi hali ham dolzarb masalalardan biri bo‘lib qolmoqda. Mazkur yoshdagi bolalarda kommunikativ kompetensiyalarni shakllantirish maktab ta’limiga tez va samarali moslashish omili sanalib, kommunikativ kompetensiya ijtimoiy tavsifga ega bo‘lib, uni bolalarda shakllantirish uchun umumdidaktik, xususiy tamoyillarga va innovatsion yondashuvlarga asoslangan jarayonni tashkil etishni taqozo etadi. Kommunikativ kompetensiya bola shaxsini rivojlanishining muhim sharti hisoblanadi shuningdek shaxs rivojlanishining asosiy omili sanaladi. Maqolada maktabgacha katta yoshdagi bolalarda kommunikativ kompetensiyani shakllantirish tamoyillari va samarali omillari to‘g‘risida fikrlar yuritilgan.