Ushbu maqolada maktabgacha ta’lim tashkilotlari tarbiyalanuvchilarining ijokorlik ko‘nikmasining mohiyati, bolalarda ijodkorlikni shakllantirishdagi pedagogik zaruriyatlar hamda talab etiladigan pedagogik sharoitlar tahlil qilindi. Bolalarda erta yoshdan ijodiy fikrlash, muammolarga noodatiy yondashuv va o‘z g‘oyalarini erkin ifodalash kabi sifatlarni rivojlantirish muhimligi asoslab berildi. Ijodkorlik — bu shaxsning yangilik yaratishga, noodatiy fikrlashga, mavjud muammolarga original yechim topishga bo‘lgan qobiliyatidir. Mazkur yosh davrida bu salohiyatni rivojlantirish orqali bola tafakkurining erkinligi, estetik didi, emotsional sezgirligi va mustaqil fikrlash qobiliyati shakllanadi. Maqolada maktabgacha ta’lim muassasalarida yaratilishi lozim bo‘lgan pedagogik sharoitlar, ijodiy faoliyat turlarining tanlanishi, tarbiyachi shaxsining ijodiy yondashuvi va didaktik materiallarning ahamiyati tahlil qilinadi. Shuningdek, bugungi kunda mavjud ta’lim dasturlarining mazmuni, metod va vositalari qanchalik darajada bolaning ijodiy salohiyatini yuzaga chiqarishga xizmat qilayotgani haqida fikr yuritiladi. Maqolada bolalarda ijodkorlikni shakllantirishda o‘yin faoliyatining, teatr elementlari, rasm chizish, hikoya tuzish, ijodiy topshiriqlar va loyihalash metodining o‘rni alohida ta’kidlab o‘tiladi. Shu bilan birga, bolalarning shaxsiy qiziqishlarini inobatga olgan holda individual yondashuvning ahamiyati ham asoslab beriladi. Tadqiqot natijalari shuni ko‘rsatadiki, ta’lim-tarbiyaviy jarayonda maqsadli va tizimli yondashuv orqali bolalarda ijodiy ko‘nikmalarni muvaffaqiyatli shakllantirish mumkin. Shuningdek, maqolada bu boradagi muammolar va ularni bartaraf etish bo‘yicha takliflar ham ilgari surilgan. Maqolada maktabgacha ta’lim tashkilotlari tarbiyalanuvchilarining ijokorlik ko‘nikmasini shakllantirishdagi samarali metodlarini tahlil qilish jarayonida jahon miqyosidagi maktabgacha ta’lim tashkilotlaridagi o‘ziga xos tajribalar ham ko‘rib chiqilgan.