Mazkur maqolada interaktiv teleko‘rsatuvlardagi lingvistik xususiyatlar masalalari ko‘rib chiqiladi. Ma’lumki, nutq monolog shaklda hamda ikki kishi o‘rtasidagi suhbatdagi dialogli nutq shaklida tavsiflanadi. Zamonaviy telejurnalistikada bir nechta janrlarning uyg‘unligi mavjud ekan, polilogik nutqqa asoslangan interaktiv teleko‘rsatuvlarda ham monologik, ham dialogik nutqlar uchrashini ta’kidlash kerak. Nutqiy xilma-xillik interaktiv ko‘rsatuvlarning samaradorligini oshirishga xizmat qiladi. Izlanishda zamonaviy telejurnalistikada bir nechta janrlarning uyg‘unligi mavjudligi, polilogik nutqqa asoslangan interaktiv teleko‘rsatuvlarda ham monologik, ham dialogik nutqlar uchrashi tahlil etilgan. Interaktiv teledasturlarda polilogik nutq namoyon bo‘lar ekan, televizion boshlovchi moderator sifatida kommunikatsiya jarayonlarning o‘zaro bog‘lovchisi, turli nutq ko‘rinishlarini uyg‘unlashtiruvchisi vazifasini o‘taydi. Shu bilan birga, maqolada moderatorning psixologik tayyorgarligiga kundalik so‘zlashuv nutqidagi shevalardan xalos bo‘lish, avtomatik tarzda og‘zaki nutqda adabiy til me’yorlariga rioya qila olish qobiliyatiga ega bo‘lish, og‘zaki nutqdagi grammatik gap tuzilishini adabiy til me’yorlariga moslashtira olish ko‘nikmalariga ega bo‘lishi lozimligi hamda efirda neyrolingvistik dasturlashni qo‘llash masalalari bayon etilgan. Shuningdek, kundalik hayotda nutqiy me’yorlarning o‘zgarishi odatiy hol sifatida qabul qilinishi tufayli teleefirdagi adabiy tilga rioya etilmaslik hozirgi kun me’yori deb qabul qilinishi muammolariga masalasiga to‘xtalib o‘tilgan. Izlanishda interaktiv teleko‘rsatuvlar lingvistik dolzarb ilmiy-nazariy qarashlar va amaliy misollar yordamida ochib berilgan, olib borilgan tadqiqotlar natijalariga ko‘ra ilmiy xulosalar qilindi.