Mamlakatimizda iqtisodiyot tarmoqlarini jadal rivojlantirish hamda aholi turmush farovonligini oshirish, har bir sohada rivojlanishni jahon standartlariga moslashtirish, yurtimizning xalqaro miqyosdagi obro‘-e'tiborini yuksaltirish yo‘lida keng ko‘lamli ishlar amalga oshirilmoqda. Bu borada har bir davlatning o‘z oldiga qo‘ygan asosiy vazifalari qatorida, ichki bozorni sifatli va xavfsizligi texnik jihatdan tartibga solish sohasidagi meyoriy hujjat talablariga javob beradigan mahsulotlar bilan boyitish muhim masalalardan biri sanaladi. Aytish mumkinki, bu borada texnik jihatdan tartibga solish tizimlari orasida tayanch yo‘nalishlardan biri sanalgan standartlashtirish sohasini rivojlantirish dolzarb ahamiyatga ega.