Ushbu maqola autizm spektr buzilishlari (ASB) bo‘lgan shaxslar haqidagi jamiyat tasavvurini shakllantirishda ommaviy axborot vositalari va stereotiplarning ta’sirini tahlil qilishga bag‘ishlangan. Tadqiqot markazida — autizmning media orqali yoritilishi va buning statistik ma’lumotlar shakllanishiga qanday ta’sir ko‘rsatayotgani tahlil qilinadi. Ijtimoiy so‘rov natijalari ASB bo‘lgan shaxslarning ijtimoiy inkor va izolyatsiyaga uchrashi sabablari aniqlanishiga yordam berdi. Media materiallar tahlili shuni ko‘rsatdiki, ko‘pincha autizm “geniallik” yoki g‘ayrioddiy qobiliyatlar bilan bog‘langan holda yoritiladi. Bu esa jamiyatda haqiqatga mos kelmaydigan, ideal tasavvurlarni yuzaga keltiradi. Bunday holat autizmning murakkabligi va real ehtiyojlarini e’tiborsiz qoldiradi. Tadqiqotda, shuningdek, O‘zbekistonda autizm bo‘yicha ishonchli statistik ma’lumotlarning yo‘qligiga ham e’tibor qaratilgan. Bu holat, asosan, jamiyatdagi mavjud stereotiplar va noto‘g‘ri axborotlar bilan bog‘liq. Agar OAV autizmni xolis va keng qamrovli yoritganida, bu nafaqat jamoatchilik fikrini o‘zgartirishga, balki bu shaxslarni rasmiy hisobga olish va ularga yordam ko‘rsatish mexanizmlarini yaratishga ham turtki bo‘lardi. Tadqiqotda bunday yondashuv O‘zbekistonda autizmga ega shaxslarni qo‘llabquvvatlovchi jamg‘armalar va nodavlat notijorat tashkilotlarini yaratish uchun muhim qadam sifatida ko‘riladi.