Мазкур илмий ишда прокуратура органлари фаолиятининг очиқлиги ва жамоатчилик билан алоқаларини таъминлашда оммавий ахборот воситаларининг (ОАВ) ўрни, вазифалари ва ҳуқуқий асослари тизимли равишда таҳлил қилинган. Асосий эътибор, ОАВнинг прокуратура фаолиятига ахборот воситачиси сифатидаги таъсири, қонунийликни мустаҳкамлаш, коррупцияга қарши курашиш ва ҳуқуқий саводхонликни оширишдаги роли, журналистик текширувлар орқали жиноят ҳолатларини очиб беришдаги аҳамиятига қаратилган.Ишда Ўзбекистон Республикаси Конститутсиясининг тегишли моддаларига, “Оммавий ахборот воситалари тўғрисида”, “Жамоатчилик назорати тўғрисида”, “Ҳуқуқий ахборотни тарқатиш тўғрисида” каби қонун ҳужжатларига таянилган. Прокуратура фаолиятига оид ахборотларнинг қонуний ва расмий асосда ОАВда тарқатилиши зарурлиги, ОАВ билан ахборот алмашиш механизмлари ва мавжуд амалий муаммолар очиб берилган. Шунингдек, халқаро тажриба, жумладан ИCИЖ фаолияти ва Германия Федерал Республикасидаги прокуратураси ва ОАВ ўртасидаги муносабатлар таҳлил қилиниб, Ўзбекистон шароитида қўллаш мумкин бўлган таклифлар берилган. Ишнинг муҳим жиҳатларидан бири –журналистик текширувни прокуратура фаолиятини ошкоралаштиришдаги ҳуқуқий асосланган восита сифатида ёритишидир. Таҳлиллар асосида прокуратура органлари ва ОАВ ўртасида очиқ ва ҳуқуқий мулоқотни мустаҳкамлаш бўйича амалий таклифлар илгари сурилган. Мазкур иш ҳуқуқни муҳофаза қилувчи органлар фаолиятининг шаффофлигини ошириш ва жамоатчилик назоратини кучайтириш бўйича долзарб назарий ва амалий масалаларни қамраб олганлиги билан аҳамиятлидир