Mazkur maqolada Buxoro zot tipiga mansub sur rangli qorako‘l qo‘ylaridan olingan avlodlarning sifat ko‘rsatkichlarini o‘rganish bo‘yicha tadqiqot natijalari keltirilgan. Sur rangli qorako‘l qo‘ylarining muhim sifat ko‘rsatkichlari bo‘lgan gul tipi hamda sinfl arga taqsimlanishi keltirilgan bo‘lib, yarimdoirasimon qalam gul tipiga mansub bo‘lgan avlodlar chiqimining yuqori ko‘rsatkichi 7004 raqamli elita sinfl i qo‘chqordan olingan avlodlarda 63,6±6,48 foiz kuzatilgan, qovurg‘asimon va yassi qalamigul tipiga mansub avlodlar chiqimi mos ravishda 1594 raqamli elita sinfl i hamda 0279 raqamli birinchi sinfga mansub qo‘chqorlardan olingan avlodlarda 25,4±5,86 hamda 20,6±4,43 foizni tashkil etganini ko‘rish mumkin. Shuningdek, avlodlarning sinfl arga taqsimlanishida ham 7004 raqam li elita sinfl i qo‘chqordan qochirilgan sovliqlardan olingan avlodlar boshqa tengqurlariga nisbatan ustunlik qilganligi qayd etilgan. Olingan natijalar biometrik hamda variatsion-statistik jihatdan tahlil qilingan va ilmiy xulosa qilgan.