Mazkur maqola maktablarda bulling muammosiga bag‘ishlangan bo‘lib, qonunchilik va boshqa mamlakatlarning muvaffaqiyatli tajribasi tahliliga asoslangan holda o’rganilgan. O‘zbekiston ta’lim muassasalarida bolalarni bullingdan, jumladan tazyiqdan himoya qilish masalalari ko‘rib chiqilgan. Muallif ushbu sohani tartibga soluvchi qonunchilikni tahlil qilib, bullingga qarshi kurash mexanizmlarini, jumladan, profilaktika dasturlarini, bulling holatlariga javob berish mexanizmlarini hamda jabrlanuvchilarni qo‘llab-quvvatlash tizimini taklif etadi. Shuningdek, bullingni zo‘ravonlikning bir turi sifatida belgilovchi "Bolalarni barcha zo‘ravonlik shakllaridan himoya qilish to‘g‘risida"gi qonun tahlil qilinadi. Maqolada maktablarda bullingga qarshi kurash bo‘yicha aniq chora-tadbirlar, jumladan, ta’lim dasturlari va ta’sir choralari mexanizmlari taklif etiladi. Muallif bulling muammosini hal qilishda kompleks yondashuv muhimligini ta’kidlab, profilaktika, bulling holatlarini o‘z vaqtida aniqlash, jabrlanuvchilarga yordam berish va tajovuzkorlar bilan ishlash zarurligini qayd etadi. Bullingga qarshi samarali kurash olib borish o‘qituvchilar, psixologlar, ota-onalar va o‘quvchilarning hamkorlikdagi sa’y-harakatlariga bog‘liq. Muallif har bir bola o‘zini himoyalangan va hurmatga sazovor his qiladigan xavfsiz va do‘stona muhit yaratish muyimligini asoslagan.