Ushbu maqolada tijorat banklarining kichik biznes subyektlariga ajratayotgan kreditlari samaradorligi statistik baholash nuqtai nazaridan o‘rganiladi. Tadqiqotda SWOT tahlil metodologiyasidan foydalangan holda kichik biznesga ajratilgan kreditlarning kuchli va zaif jihatlari, mavjud imkoniyatlar va tahdidlar tizimli ravishda tahlil qilinadi. Adabiyotlar sharhi orqali mahalliy va xorijiy olimlarning ilmiy qarashlari o‘rganilib, bank-kichik biznes munosabatlarining hozirgi holati baholanadi. Tadqiqot natijasida kredit siyosatini takomillashtirish bo‘yicha ilmiy asoslangan takliflar ishlab chiqilgan. Mazkur maqola kichik biznesni qo‘llab-quvvatlashda tijorat banklari faoliyatini yanada samarali tashkil etishga qaratilgan.