Mazkur maqolada yashil texnologiyalarni joriy etish orqali hududiy iqtisodiyotda ekologik transformatsiyani amalga oshirishning nazariy asoslari, amaliy yo‘nalishlari va ularning samaradorligi o‘rganilgan. Unda atrof-muhit muhofazasi, resurslardan samarali foydalanish, energiya tejamkorlik, chiqindisiz ishlab chiqarish kabi zamonaviy ekologik yondashuvlar iqtisodiy rivojlanishga qanday ta’sir ko‘rsatayotgani tahlil qilingan. O‘zbekiston Respublikasi misolida yashil texnologiyalarni sektorlar kesimida joriy etish holati va istiqbollari statistik ma’lumotlar, huquqiy asoslar hamda xorijiy tajriba bilan solishtirgan holda ko‘rsatib berilgan. Hududiy iqtisodiyotni ekologik jihatdan transformatsiyalashda davlat siyosati, investitsion muhit va innovatsion infratuzilmaning ahamiyati asoslab berilgan. Maqola yakunida yashil texnologiyalar asosida barqaror iqtisodiy o‘sishni ta’minlash bo‘yicha taklif va tavsiyalar ishlab chiqilgan.