Maqolada Xitoyning Markaziy Osiyo davlatlaridagi investitsiya siyosatining evolyutsiyasi va o‘ziga xos xususiyatlari, zamonaviy chaqiriqlar va istiqbollar nuqtai nazaridan tahlil qilinadi. Rasmiy statistik ma’lumotlar, normativhuquqiy hujjatlar hamda zamonaviy ilmiy manbalar asosida Xitoy investitsiya siyosatining asosiy bosqichlari, to‘g‘ridan-to‘g‘ri xorijiy investitsiyalarning (TXI) tarkibi va dinamikasi, shuningdek, so‘nggi tendensiyalar, jumladan, “yashil”, raqamli va infratuzilmaviy loyihalar ko‘rib chiqilgan. Xitoy investitsiyalarining Markaziy Osiyo mamlakatlari iqtisodiy rivojlanishiga ta’siri, hamda hududiy hamkorlikda mavjud xavf va chaqiriqlarga alohida e’tibor qaratilgan. Yakunda hudud mamlakatlari uchun investitsiyalardan maksimal foyda olish va xavflarni minimallashtirish bo‘yicha tavsiyalar berilgan.