Ushbu maqolada 2000–2023-yillar davrida Markaziy Osiyo davlatlarida to‘g‘ridan-to‘g‘ri xorijiy investitsiyalar (TTXI)ning savdo ochiqligiga, ya’ni mintaqaviy integratsiyaning ko‘rsatkichi sifatida, ta’siri tahlil qilinadi. Tadqiqot Qozog‘iston, Qirg‘iz Respublikasi, Tojikiston, Turkmaniston va O‘zbekiston kabi besh davlatning panel ma’lumotlari asosida olib borilgan. Iqtisodiy tahlilda fiksirlangan effektlar va tasodifiy effektlar modellaridan foydalanilgan. Natijalar shuni ko‘rsatadiki, TTXI savdo ochiqligiga ijobiy va statistik jihatdan ahamiyatli ta’sir ko‘rsatadi, holbuki aholi jon boshiga yalpi ichki mahsulot (YaIM) esa salbiy ta’sirga ega bo‘lib, bu iqtisodiy tarkibiy muammolar yoki institutsional zaifliklarni aks ettirishi mumkin. Hausman testi tasodifiy effektlar modelining ustunligini tasdiqlagan bo‘lsada, diagnostik testlar qoldiqlarda avtokorrelyatsiya va geteroskedastiklik mavjudligini ko‘rsatdi, bu esa kelgusida barqaror standart xatoliklardan foydalanishni talab qiladi. Grafik tahlillar va korrelyatsiya natijalari mamlakatlar o‘rtasidagi tafovutlarni yanada chuqurroq ochib beradi. Tadqiqot natijalari mintaqada savdo integratsiyasini chuqurlashtirish uchun TTXI oqimlarini jalb etish va institutsional islohotlarni amalga oshirish zarurligini ko‘rsatadi.