Ushbu maqolada markaziy bank tomonidan belgilanadigan qayta moliyalashtirish stavkasining rivojlangan va rivojlanayotgan mamlakatlar iqtisodiyotining real sektori korxonalarini kreditlashga ko‘rsatuvchi ta’siri o‘rganiladi. Maqolada foiz stavkalarining o‘zgarishi tijorat banklari tomonidan real sektor subyektlariga taqdim etiladigan kreditlar hajmi va stavkalariga qanday ta’sir qilishi qiyosiy tahlil qilinadi. Rivojlangan mamlakatlarda past va barqaror stavkalar iqtisodiy faollikni qo‘llab-quvvatlasa, rivojlanayotgan mamlakatlarda yuqori stavkalar real sektorga moliyaviy yuklama bo‘lib, uni sekinlashtirishi mumkin. Tadqiqot natijalari qayta moliyalashtirish stavkasini belgilashda ehtiyotkorlik bilan yondashish zarurligini ko‘rsatadi.