Maqolada turli barra tipidagi ko‘k rangli qo‘chqor va sovliqlarning indeks ko‘rsatkichlari o‘rganilgan bo‘lib, seleksiya-naslchilik ishlarini poda tarkibida takomillashtirish, naslli qo‘chqorlarni tanlashda eksteryer o‘lchamlari asosida indeks ko‘rsatkichlarini hisoblab chiqish va ushbu ma’lumotlar evaziga naslli qo‘chqorlarni tanlash va poda tarkibini yaxshilash, turli barra tipli sovliqlarning indeks ko‘rsatkichlari barra tiplariga bog‘liqligini o‘rganish asosida ulardan olinadigan avlodlar sifatini yaxshilashga qaratilgan. Oxirgi yillarda qorako‘l zoti qo‘ylari jussasining kichrayib ketishi ular bilan seleksiya-naslchilik ishlarini indeks ko‘rsatkichlarini rivojlantirish yo‘nalishida olib borishni taqozo etadi va ushbu maqsadda naslli qo‘chqor va sovliqlarni indeks ko‘rsatkichlarini o‘rganish va ko‘k rangli sifatli qorako‘l qo‘ylar podasini yaratishni maqsad qildik.