Maqolada turli barra tipidagi ko‘k rangli sovliqlarning konstitutsiya tiplari bilan bog‘liqligi ko‘rsatkichlari ma’lumotlari keltirilgan bo‘lib, seleksiya-naslchilik ishlarini poda tarkibida takomillashtirish, naslli sovliqlarni tanlashda konstitutsiya tiplari asosida baholash va ushbu ma’lumotlar evaziga naslli poda tarkibini yaxshilash, turli barra tipli sovliqlarning konstitutsiya tipining barra tiplariga bog‘liqligini o‘rganish asosida ulardan olinadigan avlodlar sifatini yaxshilashga qaratilgan. Oxirgi yillarda qorako‘l zoti qo‘ylari jussasining kichrayib ketishi ular bilan seleksiya-naslchilik ishlarini konstitutsiya tiplarini tanlash yo‘nalishida olib borishni taqozo etadi va ushbu maqsadda naslli sovliqlar konstitutsiya tiplarini o‘rganish va ko‘k rangli sifatli qorako‘l qo‘ylar podasini yaratishni maqsad qildik.