Ushbu maqolada oq amur (Ctenopharyngodon idella) baliqlarining ekologik biologiyasi, parvarishlash texnologiyalari hamda oziqlantirish usullarining o‘sish va mahsuldorlikka ta’siri o‘rganilgan. Shireman va Smith (1983), K.J. Lin (2017), M.A. Hasan va S. De Silva (2010) tomonidan olib borilgan tadqiqotlar asosida bu turning fiziologik ehtiyojlari, optimal yashash sharoitlari va ozuqaviy talablariga e’tibor qaratilgan. “Xasanboy delfinlari” fermer xo‘jaligida 2024-yilda olib borilgan tajriba natijalariga ko‘ra, ryaska, azolla va ularning aralashmasi bilan oziqlantirish oq amur lichinkalarining o‘sish sur’ati va hosildorligiga ijobiy ta’sir ko‘rsatgan. Shuningdek, segoletkalarni parvarishlash, ozuqa tarkibini optimallashtirish, hovuzlar gigiyenasi va o‘g‘itlash ishlarining muhimligi ta’kidlangan. Olingan natijalar baliqchilik sohasida intensiv va yarim intensiv parvarish usullarini joriy etishda amaliy ahamiyat kasb etadi.