Globallashuv va axborot oqimining jadallashuvi sharoitida yoshlarning dunyoqarashi hamda hayotiy pozitsiyasiga ta’sir etuvchi omillar tobora kuchaymoqda. Bunday vaziyatda ularning ma’naviy immunitetini mustahkamlash, milliy va umuminsoniy qadriyatlarga sodiq qolgan holda barkamol shaxs sifatida voyaga yetishini ta’minlash dolzarb vazifaga aylanmoqda. Ma’naviy yetakchilik yoshlar ongida ijobiy qarashlarni shakllantirish, ularni ezgu g‘oyalarga undash va faol hayotiy pozitsiyaga yo‘naltirishning samarali vositasi sanaladi. Ushbu maqolada ma’naviy yetakchilikning mazmun-mohiyati, yoshlar tarbiyasidagi o‘rni hamda zamonaviy sharoitda rol modellari shakllanishining ijtimoiy-psixologik mexanizmlari tahlil qilinadi. Shuningdek, oila, ta’lim tizimi va madaniy muhitning yoshlar ma’naviy dunyoqarashini shakllantirishdagi o‘rni ham yoritiladi. Maqola yoshlar orasida ma’naviy yetakchilikni rivojlantirish, ularni mas’uliyatli, ezgu qadriyatlarga sodiq va har tomonlama barkamol shaxs sifatida tarbiyalashda samarali yondashuvlarni taklif etadi.