Ushbu maqolada bo‘lajak boshlang‘ich sinf o‘qituvchilarining kreativ fikrlash qobiliyatini rivojlantirish masalalari yoritilgan. Muallif kreativlik tushunchasining nazariy asoslarini tahlil qilib, o‘qituvchilarni tayyorlash jarayonida ijodiy fikrlashni shakllantirishning metodik asoslarini ishlab chiqadi. Maqolada kreativ fikrlashni rivojlantiruvchi amaliy mashg‘ulotlar tizimi taklif etilgan bo‘lib, u diagnostika, motivatsiya, amaliy faoliyat va refleksiya bosqichlaridan tashkil topadi. Tadqiqot jarayonida talabalarning mustaqil fikrlashi, yangi g‘oya ilgari surish, innovatsion dars shakllarini ishlab chiqish ko‘nikmalari rivojlanganligi aniqlangan. Natijalar bo‘lajak boshlang‘ich sinf o‘qituvchilarining kreativ salohiyatini oshirishda amaliy mashg‘ulotlar tizimi samarali vosita ekanligini ko‘rsatadi