Mazkur maqolada o‘smirlarning o‘z sog‘lig‘iga nisbatan ongli munosabatini shakllantirishda jismoniy tarbiya va sport mashg‘ulotlarining psixologik ahamiyati ilmiy-nazariy va amaliy jihatdan tahlil qilingan. Tadqiqotda o‘smirlik davrining psixologik xususiyatlari, sport psixologiyasi nuqtai nazaridan sog‘lom turmush tarziga bo‘lgan munosabatni shakllantirish mexanizmlari hamda jismoniy faollikning shaxs rivojiga ta’siri yoritilgan. Maqolada jismoniy tarbiya va sport mashg‘ulotlarining o‘smirlarning emotsional holati, motivatsion sohası, irodaviy sifatlari, o‘zini o‘zi baholash darajasi va ijtimoiy moslashuviga ko‘rsatadigan ijobiy ta’siri asoslab berilgan. Tadqiqot jarayonida sifatli (qualitative) yondashuv asosida pedagogik kuzatuv, suhbat, yarim tuzilgan intervyular hamda psixologik testlar qo‘llanilib, o‘smirlarning sog‘lom turmush tarziga bo‘lgan munosabatidagi o‘zgarishlar tahlil qilingan. Olingan natijalar sport mashg‘ulotlarining o‘smirlarda sog‘lom turmush tarzini barqaror ehtiyoj sifatida shakllantirishga, shaxsiy mas’uliyat va intizomni rivojlantirishga, shuningdek, ruhiy va jismoniy salomatlikni mustahkamlashga xizmat qilishini ko‘rsatdi. Tadqiqot xulosalari jismoniy tarbiya o‘qituvchilari, murabbiylar hamda ota-onalar uchun amaliy ahamiyatga ega