Mazkur maqolada oʻzbek tilining leksik va terminologik tizimi tarixiy taraqqiyot bosqichlari asosida qiyosiy-filologik nuqtayi nazardan tahlil qilingan. Qadimgi turkiy davrdan tortib zamonaviy oʻzbek tiligacha boʻlgan jarayonda leksik oʻzgarishlar, tashqi til taʼsirlari, semantik kengayishlar va milliy terminologiya shakllanishi kompleks tarzda oʻrganilgan. Ayniqsa, XX asrdagi sifatiy leksik oʻzgarishlar ijtimoiy-siyosiy, iqtisodiy va madaniy jarayonlar bilan bogʻliq holda tahlil etilgan. Tadqiqot natijalari tarixiy tilshunoslik va qiyosiy filologiya sohalari uchun nazariy va amaliy ahamiyatga ega.