Mazkur maqolada falsafa fanini o‘qitish jarayonida so‘rovnoma (anketa) usullaridan foydalanish orqali ta’lim samaradorligini baholash va talabalar mantiqiy tafakkurini rivojlantirish masalalari tahlil qilinadi. So‘rovnomalarning pedagogik tadqiqotlarda tutgan o‘rni, ularning tarixiy rivoji hamda zamonaviy ta’lim tizimidagi ahamiyati yoritilgan. Talabalar fikr-mulohazalarini tizimli yig‘ish orqali o‘qitish metodlari, dars mazmuni va interfaollik darajasini baholash imkoniyatlari ko‘rsatib berilgan. Xalqaro tajribalar (PISA, TALIS va boshqalar) misolida so‘rov natijalarining ta’lim strategiyalarini takomillashtirishdagi roli asoslab beriladi.