Ushbu maqolada XX asr davomida oʻzbek tili leksikasiga rus tili orqali kirib kelgan soʻzlar qiyosiy filologik tahlil asosida oʻrganiladi. Tadqiqotda rus tilidagi asl leksemalar bilan oʻzbek tilidagi oʻzlashgan variantlar oʻrtasidagi fonetik, morfologik, sintaksik va semantik farqlar qiyosiy ravishda tahlil qilinadi. Shuningdek, ruscha oʻzlashmalarning oʻzbek adabiy tilidagi funksional faolligi, uslubiy xususiyatlari va ijtimoiy-tarixiy shartlanganligi ochib beriladi. Maqolada tillararo taʼsir jarayoni oʻzbek tilining ichki qonuniyatlari nuqtayi nazaridan baholanib, milliy til tizimining barqarorligi va moslashuvchanligi ilmiy asosda yoritiladi.