Pedagogik faoliyatning psixologik xususiyati shundaki, uni to‘liq algoritmlashtirish yoki qat’iy qoidalarga solish deyarli mumkin emas. Garchi o‘qituvchi ma’lum metodlar va ko‘nikmalarga ega bo‘lsa-da, u ularni har safar o‘zgaruvchan, noodatiy ta’limiy vaziyatlarda qo‘llaydi. Aynan shu holat pedagogik izlanish va yangilik yaratishning tabiiy zaruratini yuzaga keltirib, kasbiy-pedagogik ijodkorlikning mohiyatini belgilaydi. Ushbu maqolada bo‘lajak o‘qituvchilarda kasbiy-pedagogik ijodkorlikni rivojlantirishning pedagogik-psixologik xususiyatlari haqida ma`lumotlar keltirilgan