Maqolada Jizzax shahri markaziy qismida yo‘l harakati xavfsizligini oshirish hamda harakatni tashkil etishni takomillashtirish masalalari tadqiq etilgan. Transport va piyodalar oqimlari intensivligi, ko‘cha-yo‘l tarmog‘ining geometrik parametrlari, transport vositalari harakat tezligi rejimi, ko‘rinish sharoitlari hamda yoritilish darajasi kabi xavf omillari kompleks tahlil qilingan. Tartibga solinadigan va tartibga solinmaydigan piyodalar o‘tish joylarida konflikt vaziyatlarining yuzaga kelishiga sabab bo‘luvchi asosiy omillar aniqlangan. Yo‘l-transport hodisalari sonini kamaytirish, ularning oqibatlari og‘irligini pasaytirish hamda ko‘cha-yo‘l tarmog‘i faoliyati samaradorligini oshirishga qaratilgan muhandislik-texnik va tashkiliy-boshqaruv choralar majmui shakllantirilgan. Kutilayotgan samaradorlikni baholash natijalari taklif etilgan chora-tadbirlar kompleks tarzda amalga oshirilganda piyodalarni urib yuborish holatlari sonini 35–50 % gacha kamaytirish imkoniyati mavjudligini ko‘rsatdi