Ushbu maqolada asl tildagi muallif ovozi va individual uslubni o‘zbek tarjima jarayonida aks ettirish masalasi tahlil qilinadi. Tahlil Singapurning birinchi Bosh vaziri Li Kuan Yuning “Uchinchi dunyodan birinchi dunyoga: Singapur tarixi” asari asosida olib borildi. Mazkur maqolada ushbu fundamental asarning o‘zbekcha tarjimasi lingvistik tuzilma hamda muallifning individual uslubi tarjimada qanday ifodalanganiga alohida e’tibor qaratilgan holda tahlil qilinadi. Tadqiqotda tavsifiy-tahliliy, lingvostilistik, diskursiv va qiyosiy tarjimashunoslik metodlaridan foydalanildi. Asosiy metodologik tayanch sifatida original va tarjima matnlarining kommunikativ maqsadlari hamda uslubiy ohangini chuqur tahlil qilish uchun funksional-pragmatik (Skopos) yondashuv qo‘llanildi.