Mazkur maqola ijtimoiy tarmoqlarning o‘spirinlar psixikasiga ko‘rsatadigan ta’sirini tizimli va kompleks yondashuv asosida o‘rganishga bag‘ishlangan. Zamonaviy raqamli muhitda ijtimoiy tarmoqlar o‘spirinlar hayotining ajralmas qismiga aylanib, ularning kundalik faoliyati, muloqot uslubi, dunyoqarashi va psixologik rivojlanishiga bevosita ta’sir ko‘rsatmoqda. Shu nuqtai nazardan, ushbu jarayonni ilmiy asosda tahlil qilish dolzarb muammo sifatida qaralgan.Maqolada o‘smirlik davrining asosiy psixologik xususiyatlari — identitet shakllanishi, o‘zini anglash, o‘z-o‘zini baholash, emotsional barqarorlik va ijtimoiy moslashuv jarayonlari ijtimoiy tarmoqlar bilan uzviy bog‘liqlikda tahlil qilingan. Xususan, virtual makonda shakllanayotgan “ideal obrazlar”, ijtimoiy taqqoslash mexanizmi va tashqi baholarga qaramlik o‘smirlarning o‘ziga bo‘lgan munosabatiga sezilarli darajada ta’sir etishi ilmiy jihatdan asoslab berilgan.Ilmiy kuzatuvlar va psixologik tadqiqotlar asosida aniqlanishicha, nazoratsiz va me’yoridan ortiq foydalanish o‘smirlarning ruhiy barqarorligini izdan chiqarishi, o‘ziga ishonch darajasini pasaytirishi va ijtimoiy moslashuvda qiyinchiliklar keltirib chiqarishi mumkin.