Mazkur maqolada sog‘lom turmush tarzi tushunchasining tarixiy, ijtimoiy-falsafiy hamda pedagogik asoslari tahlil qilinadi. Qadimgi sivilizatsiyalardagi sog‘lomlashtirish tizimlaridan tortib, zamonaviy jamiyat sharoitida yuzaga kelayotgan sog‘liq muammolarigacha bo‘lgan jarayonlar ilmiy-nazariy jihatdan yoritiladi. Inson sog‘lig‘iga bo‘lgan munosabatning tarixiy evolyutsiyasi, tibbiyotning davolovchi va profilaktik yo‘nalishlari o‘rtasidagi nisbat tahlil qilinadi. Zamonaviy hayot tarziga xos bo‘lgan kam jismoniy faollik, noto‘g‘ri ovqatlanish hamda psixoemotsional zo‘riqishlarning bolalar va o‘smirlar sog‘lig‘iga salbiy ta’siri asoslab beriladi. Maktab ta’limi jarayonida sog‘lom turmush tarzi madaniyatini shakllantirish zarurati, uning asosiy tarkibiy elementlari, shuningdek, davlat, ta’lim muassasalari va oilaning bu boradagi o‘rni yoritib beriladi. Tadqiqot natijalari sog‘lom turmush tarzini uzluksiz va tizimli shakllantirish jamiyatning barqaror rivojlanishida muhim omil ekanini ko‘rsatadi.