Mazkur maqolada sotsial intellekt tushunchasining psixologik mohiyati, uning shaxs kamolotini ta’minlashdagi determinantlik roli ilmiy-nazariy jihatdan tahlil etiladi. Sotsial intellekt shaxsning ijtimoiy muhitda samarali muloqotga kirishish, ijtimoiy vaziyatlarni adekvat idrok etish, ularni baholash va moslashuvchan xulq-atvor namoyon etish qobiliyati sifatida talqin qilinadi. Tadqiqot doirasida sotsial intellektning shaxs rivoji, ijtimoiy moslashuv darajasi, emotsional barqarorlik hamda kasbiy faoliyat samaradorligiga ko‘rsatadigan ta’siri yoritib beriladi. Shuningdek, sotsial intellektni shakllantirish va rivojlantirishga ta’sir etuvchi asosiy psixologik omillar aniqlanib, ularni amaliyotga tatbiq etish bo‘yicha ilmiy-amaliy tavsiyalar ishlab chiqilgan.