Ushbu maqolada interaktiv o‘quv metodlari va zamonaviy pedagogik texnologiyalar yordamida talabalarda vatanparvarlik tuyg‘ularini shakllantirish va rivojlantirish masalalari yoritilgan. Ta’lim jarayonida “Aqliy hujum”, “Klaster”, “Munozara”, “Rol o‘ynash” hamda “Keys-stadi” kabi interaktiv metodlardan foydalanishning samaradorligi tahlil qilingan. Mazkur metodlar orqali talabalar ongida milliy qadriyatlar, tarixiy meros va fuqarolik mas’uliyati tushunchalarini mustahkamlash imkoniyatlari asoslab berilgan. Shuningdek, raqamli ta’lim texnologiyalari, multimedia vositalari va innovatsion pedagogik yondashuvlarning yoshlar dunyoqarashini kengaytirishdagi o‘rni ko‘rsatib o‘tilgan. Tadqiqot natijalari shuni ko‘rsatadiki, interaktiv metodlar asosida tashkil etilgan ta’lim jarayoni talabalarning mustaqil fikrlash ko‘nikmalarini rivojlantirish bilan birga, ularda vatanparvarlik tuyg‘ularini shakllantirish va mustahkamlashda samarali vosita hisoblanadi.