“Биомайрин” капсула дори шаклидан биологик фаол моддаларни ажралиб чиқиши атрофлича ўрганилди. Бунинг учун Давлат фармакопеясида келтирилган “Эриш” тести ва диализ усулларидан кенг фойдаланилди. Тадқиқотлар натижасида дори моддаларининг ажралиб чиқиши миқдори in vitro усулларида қиёсий ўрганилганда, “Эриш” тестида биологик фаол моддалар диализ усулига нисбатан тўлиқроқ ажралиб чиқиши кузатилди. Диализ усулида биологик фаол компонентларнинг аста – секинлик билан, аммо узоқ вақт давомида эритмага ажралиб чиқиши, дори препарати таркибида полимер модданинг борлиги ва у капсула дори шаклидаги изониазид, рифампицин и этамбутолларнинг таъсирини узайтириши билан тушунтирилди. Олинган тажриба натижаларига кўра, “Эриш” тестида биологик фаол моддаларнинг ажралиб чиқиш миқдори 1 соатдан сўнг 81%, диализ усулида эса 48 соатдан кейин 67,5% дан кам эмаслиги аниқланди.