TARIXIY OBRAZNING DRAMATURGIK VA SAHNAVIY INTERPRETATSIYASI: “TO‘MARIS” SPEKTAKLINING BADIIY-G‘OYAVIY XUSUSIYATLARI

Mazkur maqolada o‘zbek teatr san’atida tarixiy shaxs obrazlarini sahnaviy talqin etish masalasi “To‘maris” spektakli misolida tahlil qilinadi. Tahlil davomida spektaklning dramaturgik tuzilishi, sahna kompozitsiyasi, rejissura yechimi hamda aktyorlik ijrosining badiiy xususiyatlari ilmiy jihatdan o‘rganildi. Shuningdek, To‘maris obrazining sahna talqini orqali vatanparvarlik, milliy g‘urur, jasorat va ayol matonati kabi g‘oyalar qanday ifodalanganligi tahlil qilindi. Tahlil natijalari shuni ko‘rsatadiki, “To‘maris” spektakli o‘zbek teatr san’atida tarixiy obrazlarni zamonaviy sahna interpretatsiyasi orqali yoritishda muhim badiiy-estetik ahamiyatga ega bo‘lib, tomoshabinlarda milliy tarix va madaniy merosga nisbatan qiziqish va hurmat tuyg‘ularini shakllantirishga xizmat qiladi.