Sharq musiqa merosi va an’anaviy ijrochilik san’atida repertuar tanlash an’analari

Ushbu maqolada Sharq musiqa merosida repertuar tanlash an’analari va ularning an’anaviy ijrochilik san’atidagi o‘rni tahlil qilinadi. Repertuar tanlashning tarixiy, estetik, ma’naviy va ijtimoiy-madaniy asoslari yoritilib, Al-Forobiy, Ibn Sino, Alisher Navoiy kabi mutafakkirlarning musiqiy qarashlari hamda Shashmaqom an’analarining repertuar shakllanishiga ta’siri o‘rganiladi. Shuningdek, ustoz-shogird tizimi, talqin san’ati va mavsumiylik tamoyillarining an’anaviy xonandalik repertuaridagi ahamiyati ochib beriladi. Maqolada Sharq xalqlari musiqa madaniyatlari misolida repertuarning nafaqat badiiy, balki ma’naviy-ruhiy qadriyat sifatidagi mohiyati asoslab berilgan.