Мақолада гилос ўсимлиги пайвандтагларини вегетатив йўл билан, яъни ярим ёғочлашган яшил қаламчасидан кўпайтириш технологияси баён этилган. Унда ёрим ёғочлашган қаламчадан кўпайтириш учун қаламча тайёрлаш муддати, қаламчани тайёрлаш тартиби, қаламчалар экиладиган субстрат ва бино, шунингдек қаламчаларга экиш олдидан ишлов бериш тартиби тушунтириб берилган. Ишлов бериш учун индолилмой кислотасидан (ИМК) фойдаланиш концентрациялари ёритилган. Ички микроиқлими бошқариладиган иншоотда гилос пайвандтагларини вегетатив кўпайтиришда Қрим-5, САВ 6Р ва ВСЛ-2 пайвандтаглари энг юқори кўкарувчанлиги билан ажралганлиги қайд этилган.