Shahar yo’l va infrastruktura obyektlarini loyihalashda tizimli yondashuvning nazariy va amaliy asoslari

Mazkur ilmiy maqolada shahar yo‘l va infratuzilma obyektlarini loyihalash jarayonida tizimli yondashuvni qo‘llashning nazariy asoslari va amaliy samaradorligi batafsil yoritilgan. Tadqiqot shahar transport tizimlarida kuzatilayotgan asosiy muammolar – transport oqimlarining nomutanosibligi, yo‘l o‘tkazuvchanligining pasayishi, tirbandliklarning ortishi, yo‘l-transport hodisalari ko‘payishi hamda ekologik holatning yomonlashuvi bilan bog‘liq masalalarni kompleks tahlil qilishga qaratilgan. Maqolada shahar yo‘l infratuzilmasini faqat muhandislik obyektlari majmuasi sifatida emas, balki ijtimoiy-iqtisodiy va ekologik omillar bilan uzviy bog‘liq bo‘lgan murakkab tizim sifatida loyihalash zarurligi ilmiy jihatdan asoslab berilgan. Tadqiqot natijalari tizimli yondashuv asosida ishlab chiqilgan loyihaviy yechimlar shahar transport tizimining barqaror rivojlanishini ta’minlashini ko‘rsatadi.