Raqamli iqtisodiyot sharoitida oliy ta’lim xizmatlari tizimini rivojlantirishning zamonaviy yo‘nalishlari

Maqolada raqamli iqtisodiyot shakllanishi sharoitida oliy ta’lim xizmatlari tizimini rivojlantirishning zamonaviy yo‘nalishlari ko‘rib chiqiladi. Ta’lim xizmatlarining raqamli texnologiyalar, jumladan elektron ta’lim, masofaviy ta’lim platformalari, sun’iy intellekt, katta hajmdagi ma’lumotlar (big data) va universitetlarning raqamli ekotizimlari ta’sirida transformatsiyalanishi tahlil qilinadi. Oliy ta’lim tizimidagi institutsional o‘zgarishlar, davlat va xususiy sektorning roli, shuningdek raqamlashtirishning ta’lim xizmatlari sifati, ochiqligi va raqobatbardoshligiga ta’siriga alohida e’tibor qaratiladi. O‘zbekiston Respublikasining statistik ma’lumotlari asosida oliy ta’limning raqamli transformatsiyasidagi asosiy tendensiyalar aniqlanib, uning keyingi rivojlanish istiqbollari belgilab beriladi.