Inson manfaatlarini aniqlashda naql va aqlning o‘rni

Ushbu maqolada Qur’oni karimda “aql” tushunchasining ifodalanishi, uning fe’l shaklidagi qo‘llanishi va inson tafakkuridagi o‘rni ilmiy jihatdan tahlil qilinadi. Unda aqlning insonni fikrlash, ibrat olish va haqiqatni anglashga yo‘naltiruvchi asosiy vosita ekani Qur’on oyatlari va tafsirlar asosida yoritiladi. Shuningdek, maqolada aqlning axloqiy qarorlar qabul qilishdagi roli hamda uning sezgi va vahiy bilan o‘zaro bog‘liqligi islom falsafasi doirasida ko‘rib chiqiladi. Izz ibn Abdusalom, G‘azzoliy va Shotibiy kabi olimlarning qarashlari asosida aql va vahiy o‘rtasidagi muvozanat hamda maslaha tushunchasining ahamiyati ochib beriladi. Xulosa qilib aytganda, aql va vahiy bir-birini inkor etmaydi, balki insonni to‘g‘ri yo‘lga yo‘naltiruvchi uyg‘un tizim sifatida namoyon bo‘ladi.