BUXORO AMIRLIGIDA SANITAR-EPIDEMIOLOGIK MASALALAR

Mazkur maqolada XIX asr oxiri – XX asr boshlarida Buxoro amirligida mavjud bo‘lgan sanitar-epidemiologik holat va uni tartibga solishga qaratilgan chora-tadbirlar tahlil etiladi. Tadqiqotda Buxoro amirligi ma’muriyati hamda rus siyosiy agentligi o‘rtasida olib borilgan yozishmalar asosida epidemik kasalliklarning oldini olish masalalari, sanitariya qoidalarini joriy etish, shahar va qishloqlardagi gigiyenik holatni yaxshilash, qabristonlar, bozorlarda va jamoat joylarida sanitariya nazoratini kuchaytirish kabi masalalar yoritilgan. Shuningdek, Afg‘oniston bilan chegaradosh hududlarda yuzaga kelgan epidemik xavflarning Buxoro amirligi va Turkiston general-gubernatorligi hududlariga ta’siri ham ko‘rib chiqilgan. Maqolada arxiv hujjatlari asosida siyosiy agentlik, amirlik ma’muriyati hamda tibbiy muassasalar faoliyatining o‘zaro hamkorligi ochib berilgan.