Мазкур мақола олий таълим сифатини таъминлашда оммавий очиқ онлайн курсларидан фойдаланиш усулларини тадқиқ этишга бағишланган бўлиб, унда олий таълим сифатини таъминлашнинг меёрий-ҳуқуқий асослари, омиллари, мезонлари ва муаммолари ўрганилган, шунингдек, олий таълим сифатини таъминлашда оммавий очиқ онлайн курсларидан фойдаланиш механизмлари ва самарадорлик масалаларига эътибор қаратилган. Мақолада интернетдаги машҳур таълим платформалари ва сайтлари тақдим этаётган айрим оммавий очиқ онлайн курсларининг таълим сифатини таъминлаш нуқтаи назаридан таҳлили келтирилган. Хулоса ва таклифлар қаторида ОТМ ўқув жараёнини “аралаш таълим” шаклида ташкил этишда оммавий очиқ онлайн курсларидан фойдаланиш бўйича тавсиялар ишлаб чиқилган.